Странците во Германија заработуваат повеќе од самите Германци?

Една неодамнешна студија на Институтот за германска економија (IW) покажала дека многу жители на Германија кои доаѓаат од други земји заработуваат повеќе од самите Германци.

Податоците што ги објави весникот „Велт ам Зонтаг“ се базирани на статистиката за вработување на Федералната агенција за вработување.

Индијците во Германија кои работат со полно работно време месечно заработуваат во просек по 4.824 евра, што е речиси 1.300 евра повеќе од платата на Германците. Објавените податоци не кажуваат дека ова е бруто износот во кој Германците покажуваат просечни плати.

Многу академици од трети земји пристигнуваат во Германија од 2012 година, а повеќето од нив се математичари, информатичари, инженери кои работат во таканаречените MINT професии.

MINT е кратенка за математичари, информатичари, експерти од областа на природните науки и техничари. Во Германија обично се платени многу над просекот.

Просечната месечна плата на Германците е 3.541 евро (бруто). Австријците во Германија заработуваат 4.582 евра, а Американците 4.468 евра. Просечна плата на постојано вработени над границата од 4.000 евра имаат и Британците, Кинезите, Швајцарците, Бразилците и оние кои доаѓаат од земјите на Бенелукс.

И Французите во Германија во просек заработуваат повеќе од Германците, односно 3.952 евра. За разлика од нив, Сиријците имаат релативно ниска просечна месечна плата до 2.195 евра, Романците 2.157 евра и Бугарите 2.072 евра.