Растечката потрошувачка во Кина, Индија и САД би можела да го зголеми глобалното производство на јаглен на ново највисоко ниво на сите времиња, изјави Меѓународната агенција за енергија (ИЕА).
Ова се случува во позадината на широко прокламираните политики за намалување на стакленички гасови. Според организацијата, енергијата произведена од јаглен во светот се очекува да достигне 10.350 терават часови во 2021 година, што претставува зголемување од 9% на годишно ниво. Причината за тоа е брзото економско закрепнување, кое „ја зголеми побарувачката за електрична енергија многу побрзо отколку што можат да поддржат залихите со ниска содржина на јаглерод“, пишува CNN.
Вкупната побарувачка за јаглен, вклучително и во индустриите како цемент и челик, се очекува да порасне за 6% оваа година. Иако вкупната потрошувачка на електрична енергија не се очекува да ги надмине нивоата од 2013 и 2014 година, потрошувачката може да постави нов историски рекорд следната година, според ИЕА.
Според Фатих Бирол, извршен директор на ИЕА, зголемувањето е загрижувачки сигнал за тоа колку светот е далеку од намалување на емисиите до постигнување јаглеродна неутралност.
Кина е одговорна за повеќе од половина од светската електрична енергија произведена од јаглен, а земјата се очекува да забележи пораст од 9% на годишно ниво во 2021 година, според ИЕА.
Производството на електрична енергија на јаглен во Индија се очекува да порасне за 12% оваа година. Отстранувањето на јагленот од енергетскиот микс беше една од главните теми на минатомесечната климатска конференција во Глазгов.
Земјите ширум светот се согласија да ја намалат потрошувачката на јаглен како дел од напорите за одржување на глобалните температури да се зголемуваат што е можно поблиску до 1,5 степени Целзиусови.
Kина е посветена да започне да ја намалува потрошувачката на јаглен, но по 2025 година да им даде време на производителите на електрична енергија да го зголемат својот капацитет во следните 4 години за да го компензираат напуштањето на јагленот.