Светскиот економски раст веројатно ќе биде послаб отколку што се очекуваше, предупреди шефицата на Меѓународниот монетарен фонд (ММФ) Christine Lagarde, како причина се наведува слабото обновување во развиените економии и зголемување на застојот во групата на економии во развој.
“Генерално, се очекува економски раст во светот да остане умерен и веројатно послаб отколку што се предвидуваше во јули”, изјави Lagarde во говорот на почетокот на дводневната посета на Индонезија.
ММФ во јули предвидуваше дека светската економија годинава ќе порасне за 3,3 проценти, а со тоа незначително да успори во однос на 2014 година, кога се зголеми за 3,4 проценти.
Шефицата на ММФ предупреди дека економиите во развој како Индонезија, да бидат многу внимателни со цел за рано откривање на било какви знаци на прелевање на влијанието на слабиот кинескиот раст, како и строгите кредитни услови на глобално ниво и изгледот за зголемување на каматните стапки во САД.
Кинескиот економски раст забавува, но не драстично и неочекувано, како дел од приспособувањето на новиот економски модел, констатира Lagarde.
“Транзицијата на моделот што повеќе ќе биде базиран врз основа на пазарот и да се намали ризикот акумулиран во текот на изминатите години е сложен процес и може да e придружен со одредени проблеми”, рече таа.
“Но, (кинескaта) влада има инструменти и финансиски амортизери потребни за управување со оваа транзиција”, напоменува Lagarde.