Претседателот Доналд Трамп денес (вторник) ја повтори својата закана за воведување на тарифи за дополнителен кинески увоз на дополнителни 267 милијарди американски долари, ако Кина се одмазди за неодамнешните давачки и други мерки што ги презеде САД во ескалирачката трговска војна меѓу овие два економски гиганти.
Трамп, разговарајќи со новинарите во Овалната канцеларија, исто така, рече дека Кина не е подготвена да постигне договор за трговија.
“Кина сака да склучи договор и велам дека сé уште не се подготвени”, рече Трамп. “Едноставно велам дека сé уште не се подготвени, а ние откажавме неколку состаноци, бидејќи велам дека не сте подготвени да склучите договор”.
На прашањето дали е подготвен да воведе нови царини во случај на одмазда од Кина, Трамп рече: “секако, апсолутно”.
Тој додаде дека сегашната трговска нерамнотежа на САД со Кина значи “тие веќе се одмаздиле”.
Минатиот месец Трамп воведе тарифи на речиси 200 милијарди американски долари од кинески увоз, а потоа се закани со повеќе давачки ако Кина се одмазди. Кина потоа возврати со тарифи на околу 60 милијарди американски долари од увозот на САД.
Повикувајќи се на растечката трговска војна, Меѓународниот монетарен фонд во вторникот ги намали прогнозите за глобалниот економски раст за 2018 и 2019 година.