Њујорк оваа недела објави план за воведување велосипеди на електричен погон за транспортни услуги кои треба да ги заменат возилата за испорака кои ја загадуваат животната средина, со што ќе се ублажи сообраќајниот метеж што го создаваат.
Компаниите за испорака како „Амазон“, „УПС“ и „ДХЛ“ ќе учествуваат во шестмесечната пробна програма во Одделот на Њујорк за транспорт, соопштија Њујорк Тајмс.
Програмата ќе ги опфати најпрометните улици во Менхетен јужно од 60-та улица и на велосипедите за испорака може да им биде дозволено да ја користат мрежата на градски патеки за велосипеди.
Како дел од програмата, на 100 велосипеди ќе им биде овозможен бесплатен паркинг во постојните зони за истовар за стоки што обично се резервирани за камиони и комбиња. На возачите во некои случаи ќе им биде дозволено да паркираат помали велосипеди на тротоарите.
Министерството за транспорт „е задоволно да објави пробна програма што ќе ги направи испораките во Њујорк побезбедни и позелени со тоа што ќе ги охрабри луѓето да користат комунални велосипеди наместо камиони и комбиња“, рече комесарот за градски транспорт, Поли Троттенберг.
Овој потег е обид да се одговори на растечката гужва од комбиња, кои растат како резултат на порастот на трговијата преку Интернет. Околу 45 проценти од Њујорчаните добиваат просечно еднаш-неделно пакет на домашна адреса, покажуваат податоците на Градското одделение за транспорт во 2018 година.
Другите големи градови како Париз, Лондон и Хамбург веќе воведоа испорака со велосипеди и тоа се покажа како успешно.