Петнаесетгодишниот Marko Pejchinovski од Охрид, кој на 28 август го преплива Охридското Езеро иако има некроза на ногата, е нашиот херој.
На викендот кој го посветивме на тим билдинг активности со тимот на СН финансиско друштво во Охрид, освен учење и забава, го поканивме Марко да биде наш гостин.
Марко на крајот на август 2018, тогаш на свои 12 години изведе вистински подвиг кога го преплива Охридското Езеро, од Свети Наум до градското пристаниште. Патеката ја преплива за околу девет часа, а бидејќи има некроза на ногата, најмногу ги користеше рацете. Малиот Пејчиновски тогаш изјави дека плива оти сака да оздрави кога ќе порасне.
Марко Пејчиновски денес има 15 години, тој со својата амбиција и храброст ја прави иднината посветла за сите. Затоа го наградивме со подароци и со парична награда.
Како и досега, СН финансиско друштво продолжува со инвестирање во луѓето, нивниот потенцијал и во нивната светла иднина.
„Марко има некроза на еден дел на коската на ногата како резултат на пореметување на крвотокот. Тоа доведува и до проблеми со моториката. Тој во пливањето повеќе ги користи рацете отколку нозете и знае како да го синхронизира тоа. Јас немам видено таква волја. Кога ќе заврши периодот на неговиот раст, со мала интервенција, тој ќе биде целосно здраво дете”, изјави познатиот уролог, д-р Горан Балевски, кој беше во екипата која го следеше подвигот на Марко во 2018год.
Очекуваме тоа да се оствари набрзо и да прославиме заедно, повторно.
