Влад Тенев од Robinhood е првиот милијардер роден во Бугарија!

Во последниве месеци, платформата за тргување со акции Робинхуд се најде во центарот на вниманието. Компанијата беше под лупа на американските регулатори за тргување со акциите на „GameStop“.

Сепак, пред овој случај, платформата успеа да привлече голем интерес од малите инвеститори, како и капитал, што ја претвори во компанија вредна неколку милијарди долари.

Минатата година Робинхуд достигна пазарна вредност од 11,2 милијарди долари, кога стана јасно дека неговите основачи – Бугаринот Влад Тенев и неговиот деловен партнер Баиџу Бат, веќе се милијардери.

Сега официјално првиот милијардер роден во Бугарија е на листата на најбогати луѓе во светот на Форбс. Владимир или попознат како Влад Тенев се рангираше на рангирањето на престижното издание за 2021 година на 2574 место со нето вредност од 1 милијарда долари.

Влад Тенев е роден во Варна и со родителите се преселил во САД во 1992 година. Тие се економисти и потоа добиваат можност да работат за Светска банка во Вашингтон.

Во 2009 година, Баиџу Бат и Тенев го создадоа својот прв стартап, наречен Chronos Research, кој нуди алатки за хеџ фондови и банки за изградба на автоматски стратегии за тргување.

Во 2013 година, двајцата го основаа Робинхуд. За само еден ден, 10 000 луѓе се регистрираат, а за еден месец има над 50 000 корисници.