Владата донесе одлука трговците кои продаваат овошје и зеленчук, да прибавуваат и продаваат 70 проценти од количествата што ги продале во јануари и февруари.
Оваа одлука, којашто следува по одлуката за замрзнување на цените на определени видови овошје и зеленчук, е предвидено да важи до крајот на април.
Заклучено е дека е потребна ваква одлука, како што соопшти предлагачот, Министерството за економија, по координативниот состанок на надлежните институции во врска со предметното прашање.
Одлуката е донесена откако трговците и пазарџиите алармираа дека ги трошат последните залихи овошје и зеленчук и дека магацините од кои набавуваат не им даваат производи по замрзната цена.