Вредноста на доларот на најниско ниво во последниве три недели против кошницата на валутите откако кинескиот претседател Кси Јинпинг вети дека ќе ги намали увозните тарифи. Ова ја ублажи загриженоста на инвеститорите во врска со трговскиот конфликт.
Девизниот курс на доларот во однос на јенот се зголеми за 0,2 отсто на 107,01 јени, откако достигна најмногу 107,245 јени.
Според кошницата на главните валути, доларот се тргуваше на двонеделен минимум на 89,63 поени, а во последните три дена од тргувањето беше намален за скоро 1,0 отсто.
Руската рубља падна за 4,0 проценти во вторникот, по сличен пад во понеделникот, што малку ги загрижи инвеститорите дека натамошното слабеење на руската валута би можело да предизвика поголемо нарушување на позициите на другите валути на пазарите во развој.
Од друга страна, еврото се засили накратко откако еден од официјалните претставници на Европската централна банка рече дека банката би можела да го зголеми интересот за депозитите што се моментно под нулата пред нормализирање на монетарната политика.
Единствената валута се тргуваше на повисоко ниво за 0,4 отсто во споредба со претходниот ден, на 1,2362 долари, откако оствари раст до максимум 1,2378 долари.