Кварталната добивка на „Mastercard“ не успеа да ги исполни предвидувањата на аналитичарите, бидејќи пандемијата на Kовид-19 ги намали патувањата низ целиот свет и сродните трошоци. Веста ја намали цената на акциите на компанијата за 4%, пренесува „Reuters“.
Пандемијата ги принуди компаниите ширум светот да отпуштат милиони вработени, што влијаеше на нивната куповна моќ. Влијанието на воздушниот сообраќај влијаеше и на прекуграничниот обем на трансакции со картички.
„Mastercard“ објави пад од 36% на прекуграничните количини во локална валута за кварталот. Бруто вредноста на обработените трансакции во долари се зголемил за 1% до 1,6 трилиони долари.
Прекуграничните количини продолжија да опаѓаат по крајот на кварталот, во првите три недели од октомври, а падот е веќе над 30%.
„Гледаме охрабрувачки напредок во траекторијата на внатрешните трошоци, додека патните трошоци остануваат предизвик“, рече извршниот директор Аџеј Банга.
Вкупните оперативни трошоци на „Mastercard“ паднаа за 4% на 1,7 милијарди долари во последниот квартал.
Нето приходот паднал за 28 проценти на 1,5 милијарди долари или 1,51 долари по акција, за третиот квартал кој заврши на 30-ти септември. Со исклучок на некои ставки, заработката е 1,60 долари по акција.