Членот на управниот одбор на Европската централна банка, Пиеро Чиполоне, изјави дека 2029 година е реален рок за воведување на дигиталното евро – онлајн платежен паричник поддржан од самата централна банка.
Според него, Европскиот парламент, Советот на ЕУ и Европската комисија треба да ги усогласат своите позиции до мај 2026 година, по што ќе започне заедничка работа на законската рамка. Откако таа ќе биде усвоена, на ЕЦБ ќе ѝ бидат потребни меѓу две и пол и три години за техничка подготовка и лансирање на дигиталната валута.
Изјавата беше дадена на настанот „Future of Finance“ на Bloomberg во Франкфурт.
Влијание врз пазарите
Дигиталното евро се очекува да ја зајакне улогата на ЕУ во глобалниот финансиски систем, како и да обезбеди поголема сигурност и конкурентност во однос на приватните дигитални пари и стабилкоини.