Комисијата за хартии од вредност на Америка поднесе вкупно 13 тужби против најголемата светска крипто берза Бинанце и нејзиниот сопственик Чангпенг Жао.
На крипто берзите вчера во вечерните часови е забележан пад на вредноста на биткоинот за речиси пет отсто, како и повлекување на големо количество итриум, но сега ситуацијата е стабилизирана. Вредноста на биткоинот падна за околу 2,03 отсто во последните 24 часа.
Вкупниот обем на тргување со биткоин во последните 24 часа изнесува 11,63 милијарди евра. Вредноста на криптовалутата итриум падна за 2,21 отсто, на 1.745,35 евра, додека Бинанце Коин падна за 2,34 отсто, на 281,10 евра. Покрај биткоинот (БДЦ), денес најтргувани се итриумот (ETХ), Бинанце Коин и Рипл. Најголем раст денеска во моментов бележат криптовалутите син, ксно и мтл, пренесува Танјуг.