Од минатиот месец (ноември 2020 година), Централната банка на Узбекистан започна со издавање на запечатени златни шипки со QR-код за верификација во реално време. На овој начин Централната банка на Узбекистан сака да ја стимулира употребата на злато.
Се повеќе влади и централни банки ширум светот го промовираат златото како резерва со вредност. Не е изненадувачки што се покажа дека златото ја задржува својата куповна моќ илјадници години и станува сè појасно дека иднината на фиат-валутите е разнишана (да, централните банки се свесни за тоа).
Развојот на централните банки кои промовираат злато полека преминува од планот А (фиат) во планот Б (злато).
Околу 57% од меѓународните резерви на Централната банка на Узбекистан се состојат од злато, а од минатиот месец Централната банка на Узбекистан го охрабрува населението да купува злато како залиха на вредност преку своите иновативни златни шипки.
Новите златни шипки издадени од Централната банка на Узбекистан имаат специјално заштитно пакување, кое вклучува три безбедносни слоеви: единствен сериски број, QR-код за дигитална автентикација во реално време и мембрана за промена на бојата во случај на кршење.
Златните шипки се достапни во тежина од 5, 10, 20 и 50 грама, а сите нивни пакувања се со големина на платежните картички. Златни шипки се продаваат во дваесет и осум филијали на комерцијалните банки низ целата земја. Во секое време златните шипки може да се продаваат назад кај трговците, дури и ако е расипан печатот. Рударско-металуршката фабрика „Навои” (NMMC), рафинерија со акредитација „LBMA”, е одговорна за набавката на злато. Технологијата за пакување е развиена во соработка со „Certiline”.
Преку новите лостови со мала тежина и гаранција за откуп, Централната банка на Узбекистан сака да го направи златото достапно на повеќе луѓе како инструмент за штедење и за големи плаќања.