Чешка веќе има поголем бруто домашен производ (БДП) по глава на жител од двете најголеми економии во Западна Европа, Италија и Шпанија.
Во последната година, тој број достигна 38.120 долари по лице, пресметан врз основа на паритет на куповната моќ, според анализата на Меѓународниот монетарен фонд (ММФ), пренесува Прашко утро.
Сепак, мора да се земе предвид фактот дека беа земени податоци за 2020 година, при што, во услови на коронакризата, Шпанија и Италија беа најпогодени меѓу европските економии. Сепак, експертите од ММФ сметаат дека Чешка може да ја задржи водечката позиција во однос на двете земји по завршувањето на кризата.
И не само тоа, растот на земјата во овој поглед се очекува да продолжи и во следните неколку години, сè додека не стане 25-та на листата на земји со најголем БДП по глава на жител во светот. Така, според експертите, Чешка ќе ги надмине Нов Зеланд и Јапонија до 2025 година според овој индикатор.
– Во Италија, според ММФ, годинашниот БДП по глава на жител е 37.905 УСД, а во Шпанија – 36.086 УСД, изјави Лукаш Кованда, главен економист на чешката банка Тринити банка.
Според него, земјата успеала да ги престигне обете земји во пролетта оваа година во првиот бран на коронавирусот. – Нивниот економски пад, вклучително и БДП по глава на жител, е посериозен од падот на другите развиени економии, како што се Чешка или Словачка, додаде Кованда.