Дојче Банк ќе им плати милионска отштета на САД за манипулирање со каматните стапки.
Германската Дојче Банка се согласи да исплати 240 милиони долари надомест поради здружување со други банки за да влијае врз вредноста на каматните стапки преку лондонскиот Либор систем.
Дојче Банк беше обвинета од САД за нелегално здружување и е трета од банките кои се согласија да исплатат надомест на штета. Претходно Ситигруп постигна договор да исплати 130 милиони долари штета, додека британската банка Барклиз се спогоди за 120 милиони долари.