Меѓународниот турнир во мал фудбал „Тоше Проески“ во Крушево и годинава, со финансиска поддршка од Комерцијална банка, собра на едно место спортски екипи од повеќе држави во чест и спомен на музичката легенда.
Комерцијална банка, која традиционално е спонзор на овој турнир организиран од Здружението Мандра, го даде својот придонес и со учество на Синдикалната организација со своја екипа, која го заврши настапот со освоен пехар за Фер плеј екипа.
Спортот, дружењето и хуманоста беа вредности што го красеа ликот и делото на Тоше Проески. Во негова чест и во контекст на својата општествено одговорна мисија, Комерцијална банка останува посветена на поддршка на вредностите кои значат подобро и похумано општество.