Норвешкиот државен пензиски фонд објави дека во 2021 година постигнал поврат на инвестициите за пензии на граѓаните од 1,580 милијарди норвешки круни (177 милијарди долари), најмногу благодарение на резултатите од акциите на технолошките компании.
Основан во 1996 година, фондот има удели во 9.123 компании ширум светот. Тој поседува 1,4 отсто од сите котирани акции ширум светот, а исто така инвестира во обврзници, имоти што не се на берза и инфраструктура за обновлива енергија.
Според агенциите, Фондот од своето основање заработил 244.000 долари за секој граѓанин на оваа земја, вклучувајќи ги и децата.
Поголема сума од оваа заработија во 2021 година само во 2019 година, кога приносот беше 1,690 милијарди круни.
Фондот, кој инвестира приходи од продажба на нафта и гас и управува со имот во вредност од 1.300 милијарди долари, најголем во светот, минатата година оствари принос од 14,5 отсто.
„Добрите резултати главно се должат на многу силните трендови на берзата во текот на годината“, се вели во соопштението на извршниот директор Николај Танген.
„Приносите беа добри во сите сектори, но инвестициите во технолошките компании и финансиите се покажаа како особено добри“, рече Танген.
Акциите на технолошките компании остварија принос од 30,2 отсто.
Фондот постигна најголем принос од инвестициите во Мајкрософт, Алфабет и Епл. Меѓу дестинациите најмногу заработиле на инвестиции во САД, вкупно 960 милијарди круни, а потоа следи Велика Британија со 112 милијарди круни.