Авиосообраќајот и бројот на патувања по кризата предизвикана од корона вирусот закрепнаа побрзо од очекуваното, а сите истражувања покажуваат дека желбата за патување не се намалува и дека повеќе луѓе патуваат низ светот отколку пред 2019 година.
Сепак, ерата на евтини авионски билети и авионски патувања, кои беа подостапни од било кога, се чини дека заврши. Авиопревозниците ширум Европа ги зголемија цените на билетите, означувајќи го крајот на нискобуџетните авиопревозници, а причините се, покрај последиците од пандемијата, и сите проблеми што настанаа по почетокот на украинската криза.
Според веб-страницата „Шенген виза инфо“, според статистиката на француското Министерство за еколошка транзиција, цените на билетите во оваа земја минатата година се зголемиле за 23,6 отсто, додека веб-страницата за резервации за патувања „Кајак“ открива дека цените на меѓународните летови од Велика Британија се зголеми за 18 отсто во однос на 2022 година. Пандемијата, како што пишуваат европските медиуми, многу ги променила работните навики, па сега се повеќе компании одобруваат работа на далечина.
Затоа има помалку службени патувања. Оваа година, како што изјави Јенс Бишоф, извршен директор на Еуровинг, поскапата работна сила и одржување на аеродромите, како и цените на горивото само ќе доведат до раст на цените на летовите. Според него, летовите ќе бидат за 20 отсто поскапи во текот на сезоната во однос на летото 2022 година, пишува Политика.рс.