Бутан, јужноазиско кралство сместено во планините на Хималаите, неодамна откри тајна што го запрепасти меѓународниот финансиски пазар: земјата со години тивко ископувала криптовалути без да каже никому, вклучително и на сопствените граѓани.
Јужноазиското кралство се надева дека ќе стане втората земја во светот што ќе работи со сопствен државен крипто рудник, пишува Кликс.ба. Уште позапрепастувачко откритие беше дека земјата можела одржливо да ископува криптовалути во споредба со конвенционалните методи кои беа широко критикувани за големите количества на потребна електрична енергија. Бутан можел да ископува токени користејќи ги своите огромни резерви на хидроелектрична енергија.
Во кралството има изобилство на древни глечери кои ги хранат многуте реки. Енергијата произведена од глечерите моментално ги снабдува домовите на мнозинството од 777.000 жители во земјата и претставува 30 отсто од БДП на земјата. Но, неодамна откриената тајна на Бутан покажува дека земјата исто така го користела овој огромен ресурс за друга цел што би можела да ја поттикне и одржува нејзината економија во иднина: создавање на сопствени крипто рудници.