Полкадот и Кардано забележаа едни од најголемите растови во понеделникот
Како што се приближува крајот на силната 2021 година за криптовалутите, некои од помалите монети се во центарот на вниманието. Полкадот и Кардано се токените со некои од најголемите растови во понеделник по релативно мирниот празничен викенд.
Неколку минути пред 20 часот по локално време, криптовалутата полкад порасна за 4,2% на 32,48 долари, а карданот за 6,7% на 1,56 долари. Од своја страна, цената на биткоинот порасна за 3,1% на 51.924,73 долари, а на етерот за 1,1% на 4121,96 долари, покажуваат податоците на CoinDesk.
„Нема сомнеж дека лидерството на биткоинот од неодамна ослабе“, рече Мет Мејли, главен пазарен стратег во Miller Tabak + Co. Според него, тоа се должи на фактот што инвеститорите го следат најновиот тренд.
Многу криптовалути, освен најпопуларните, значително пораснаа оваа година поради зголемениот интерес за овој сектор. Монетите како што се dodgecoin, cardano и shiba inu добија значителна популарност.
„Биткоинот цвета во глобалната економија, но лесно можеме да видиме дека овој напредок е надминат од некои помали и брзорастечки мрежи“, рече Мати Гринспен, основач на Quantum Economics.
Овој тренд го ослабува лидерството на биткоинот, при што вкупните средства на производите поврзани со криптомонети паднаа за 20 отсто на 39 милијарди долари во декември, според CryptoCompare. Ова го намали уделот на биткоин производите на крипто-пазарот на 67,8% од 70,6% – најнискиот удел за годината.