Ова, тврдат тие, е во согласност со меѓународната практика
Кина денес објави правила за контрола на странски инвестиции поради националната безбедност, кои се потенцијално широки мерки кои, како што наведува, не претставуваат протекционизам.
Системот за контрола, објавен од Националната комисија за развој и реформи (НДРЦ), ги опфаќа странските инвестиции во воениот сектор и стекнувањето контролни влогови во сектори како што се енергијата, природните ресурси, земјоделството, интернет технологијата и финансиските услуги, објави Ројтерс.
Само со зацврстувањето на оградата од безбедносните ризици, Кина може да постави солидна основа за нова рунда пошироко и подлабоко отворање, објави Комисијата.
Ова е во согласност со меѓународната практика и ќе помогне да се балансираат економските придобивки од понатамошното отворање за да се обезбеди национална безбедност, рече НДРЦ.