Организацијата„Citizens Advice“ упати повеќе од 208.000 луѓе во народните кујни и други добротворни организации во периодот од јануари до ноември, наспроти 200.517 лица во цела 2022 година.
Рекорден број жители на Велика Британија побарале помош и пристап до услуги за луѓето без дом, народните кујни, како и помош за плаќање на сметките за струја поради зголемувањето на трошоците за живот во таа земја, соопшти организацијата „Citizens Advice“.
Организацијата упати повеќе од 208.000 луѓе во народните кујни и други добротворни организации во периодот од јануари до ноември, наспроти 200.517 лица во цела 2022 година, пишува „Гардијан“.
Citizens Advice, исто така, обезбеди помош за плаќање на сметките за електрична енергија на речиси четвртина милион луѓе до крајот на ноември, бидејќи бројот на корисници кои не можат да ги платат своите долгови речиси двојно се зголеми во споредба со претходните 2 години.
Во контекст на се потешката финансиска состојба на се поголем број граѓани, портпаролот на британската влада најави дека додатоците за ранливите домаќинства ќе се зголемат за 6,7 %, додавајќи дека треба да се направи повеќе за да се подобри состојбата.
-Ние сме посветени на поддршка на најранливите, поради што пакетот за трошоци за живот од 104 милијарди фунти, во вредност од околу 3.700 фунти по домаќинство, ќе вклучи зголемување на бенефициите за 6,7 отсто следната година и фонд за поддршка на домаќинствата за помош на луѓето со трошокот за основните работи Зголемување на стапката на локалниот додаток за домување значи дека 1,6 милиони приватни закупувачи на бенефит за домување или универзален кредит ќе добиваат во просек по речиси 800 фунти годишно, над 30 милијарди фунти поддршка за домување обезбедена оваа година владата – изјави портпаролот.