Дирекцијата за технолошки индустриски развојни зони (ТИДЗ) соопшти дека е остварен повисок извоз од минатогодишниот и дека е вреден 3,122 милијарди евра. Вво првите десет месеци од годинава во компаниите во зоната се отворени над две илјади нови работни места, а бројот на вработени за првпат се искачи над 16 илјади. Ова зголемување за 16% за една година покажува редовната месечна анализа, велат од ТИДЗ и додаваат дека минатиот месец се отворени близу 500 нови работни места.
Во однос на извозот и увозот соопштуваат дека станува збор за позитивен тренд на раст и дека заклучно со октомври извозот пораснал на 3,122 милијарди евра, со што го надмина минатогодишното ниво на извоз од 3 милијарди евра за една година, што беше рекордно ниво досега од постоењето на зоните.
„Анализата покажува дека извозот во првите десет месеци од годинава е за 26% повисок од 2021, односно за 50% повисок споредено со истиот период во 2020.
Од јануари до октомври 2022 година регистриран е увоз од 2,806 милијарди евра што е за 15% повеќе во однос првите десет месеци од 2021, односно за 43% споредено со 2020. Заклучно со октомври и нето извозот е 11,25%, што меѓу другото се должи на зголемените инвестициски активности во Зоните и зголемениот број на работни места.
Според анализата, позитивните економски движења се резултат од ефектите од новиот концепт на ТИРЗ, а се очекува ваквиот позитивен тренд да продолжи до крајот на годинава. Од почетокот на спроведувањето на овој концепт, во изминативе 20 месеци се постигнати договори од над 620 милиони евра а истите треба да донесат над 5000 нови работни места“, се вели во соопштението.