Над 126.000 домови во земјата се изнајмени на онлајн платформата
Airbnb сè повеќе станува доминантна сила на пазарот на недвижности во Грција. Ова е резултат на истражувањето што го спроведе Центарот за планирање и економски истражувања во земјата.
Утврдено е дека над 126.000 домови во Грција биле изнајмени на онлајн платформа. Над 60% од грчките имоти во Airbnb се наоѓаат во областите Атика, Крит и Јужен Егеј. По нив следат Централна Македонија, Јонските Острови и Пелопонез.
Во првото полугодие од оваа година 93% од имотите во Атика, прогласени за изнајмување преку платформата, се наоѓале во границите на општината Атина, што покажува јасна предност од страна на туристите кон грчката престолнина како дестинација за градски одмор.
Според истражувањето што користи податоци од Airbnb, онлајн платформата била речиси непозната на грчкиот пазар пред осум години. Денес, сепак, се смета дека е главен играч на пазарот за туристичко сместување во земјата.
Истражувањето исто така покажа дека Грците обично избираат повеќе од една платформа за да го објават својот имот за изнајмување. Меѓу оние платформи, освен Airbnb се TripAdvisor, Trivago, Booking.com, HomeAway и многу повеќе.