Потрошувачката на пиво по глава на жител лани падна за пет проценти, на 135 литри, што е најниско ниво од 1960-тите години, објави ЦСПС во Прага.
Падот е последица на неколкумесечното затворање на пабовите, рестораните и угостителските објекти со цел да се потисне ширењето на ковид 19, пишува SEEbiz.
„Не можам да се сетам кога пабовите и рестораните работеле толку лошо“, рече претседателот на здружението на пивари, Франтишек Самал.
Во 2019 година, Чесите испија една третина пиво, претежно свежо послужено, во пабови, а минатата година тој дел се намали за една четвртина.
Вкупното производство на пиво минатата година падна за 1,5 милиони хектолитри, на 20,1 милиони. Извезени се околу 5 милиони од нив, помалку отколку во претходната година, што значи дека пандемијата го прекина осумгодишниот раст на извозот, пишува порталот Seebiz.eu.
Најмногу падна продажбата на точено пиво, додека продажбата на конзервирано пиво се зголеми.
Здружението на пивари повика наскоро да им се дозволи работа на баровите на отворено, за да не бидат принудени трајно да ги затвораат вратите.
Чешка има долга традиција на производство на пиво. Лагер пивото е дизајнирано во 1842 година според рецептот на Пилсен во западна Бохемија, а неодамна е основано преку помали пиварници, истакнува агенцијата ДПА.