Трговијата меѓу Кина и Русија лани ја отвори вратата за плаќања во јуани , а денес Кина речиси исклучиво плаќа на својот сосед нафта, јаглен и некои метали со својата валута место во долари, тврдат трговците.

Во март, јуанот стана највообичаената валута за прекугранични трансакции во Кина, престигнувајќи го доларот за прв пат, покажаа официјалните податоци.

На глобално ниво, уделот на кинеската валута во плаќањата останува мал и изнесува 2,5 отсто, во споредба со 39,4 отсто учество на доларот и 35,8 отсто на еврото, според SWIFT. На подолг рок, можеме да очекуваме „ефект на снежни топки“, според аналитичарот на „BNP Paribas Asset Management“ Чи Ло, бидејќи сè повеќе земји се приклучуваат на „блокот на јуани“.

„ Тие сакаат да ја намалат нивната изложеност на доларот, „особено откако видоа што направија санкциите предводени од САД кон Русија. Ова е многу долгорочен тренд кој ќе трае во следните 10, 20 или дури 30 години. Мислам дека во догледна иднина и во следните неколку години, јуанот ќе се користи главно за трговија со стоки. и енергија“, смета Чи.

Пекинг почна да се обидува да го интернационализира јуанот пред повеќе од десет години, но досега валутата се користеше само спорадично при големи кинески набавки на стоки, бидејќи цените на нафтата, гасот, бакарот и јагленот во светот се главно поврзани со референтни вредности во долари.

Тоа почна да се менува лани бидејќи купувачите на Запад почнаа да ги избегнуваат руските стоки, стравувајќи од санкциите наметнати на Русија поради нејзината инвазија на Украина. Кинеските купувачи скокнаа, купувајќи нафта, јаглен и алуминиум од Русија по намалени цени.

„Во такви услови, вредноста на кинескиот увоз на стоки од Русија скокна за 52 отсто. Ова и заштеди на Кина милијарди долари, додека нејзината економија сè уште се бореше со строгите мерки за борба против Ковид-19. Во оваа година почна да закрепнува и ќе се зголемуваат набавките“, пишува Ројтерс

Кина сега плаќа за руската нафта и помали количества нафта за греење речиси исклучиво во јуани, изјавија пет трговци со директно знаење за ова прашање. Кина минатата година увезла сурова нафта и мазут од Русија во вкупна вредност од 60,3 милијарди долари, покажуваат податоците на кинеската царина.

Увозот на стоки го зголеми трговскиот дефицит на Кина со Русија на 38 милијарди долари, иако износот се намали во првите четири месеци од оваа година. Јуанот исто така се користи повеќе на глобално ниво.

Аргентина во април објави дека увозот од Кина ќе го плати во јуани со цел да го намали притисокот врз нејзините резерви во долари, а во март француската енергетска компанија „TotalEnergies’ и ја продаде на Кина првата пратка течен природен гас (LNG) платена во јуани. .