Зголемениот интерес на институционалните инвеститори, прифаќањето од сè повеќе компании и системите за плаќање, како и верувањето дека тие можат да бидат добра можност за креирање на капитал во време на криза, повторно донесоа оптимизам во светот на крипто-валутите.
Биткоинот се продава деновиве по цени многу близу до највисокото ниво досега, а зголемувањето на цените го забележаа скоро сите други водечки криптовалути.
Дополнителен оптимизам за инвеститорите во крипто-валута сега може да даде објавата на американската компанија S&P Dow Jones Indeks. Тие се познати по своите берзански индекси, кои ги рефлектираат расположението и движењата на пазарот на капитал со децении, а наскоро и оние кои ги следат движењата на пазарот на крипто-валути ќе бидат вклучени во нивното портфолио на берзански индекси.
Пресметките ќе вклучуваат цени на повеќе од 550 активни крипто-валути, а компанијата се надева дека нивните индекси ќе им обезбедат на инвеститорите подобри податоци за движењето на цените, но и ќе го отворат овој пазар за многу нови инвеститори заинтересирани за крипто-валути. Тие се одлучија на овој потег затоа што сметаат дека сега е вистинското време за тоа – дигиталните средства стануваат сè поважен дел од средствата на инвеститорите, затоа е неопходно да се имаат независни, сигурни и лесно разбирливи индикатори, според индексите на S&P Dow Jones.