По одлуката на Уставен веќе во рамките на стечајната постапка што ја води судот во Скопје, се кристализираше по пат на одлуки на првостепениот и второстепениот суд, она правно стојалиште дека таа одлука треба да се спроведе и сега ќе почне спроведувањето на одлуката, бидејќи досега имаше правни лекови во врска со активностите и одлуките што беа донесувани, изјави во Утрински брифинг адвокатот, правен застапник на штедачката страна на „Еуростандард“ банка Љупчо Кузмановски.
Тој нагласува дека некои од доверителите се жалеле, но постапката е конечно завршена, потврдено е од Апелациониот суд она мислење или решение на првостепениот суд и сега понатаму треба да се оди во авансна исплата на средствата.
-Значи дефинитивно е одлучено дека одлуката мора да се спроведе, но стојалиштето на судот е дека треба да се спроведе етапно, тоа значи во зависно како има прилив на средства во стечајнат маса на банката и така ќе се носат одлуки за исплата, потенцира Кузмановски.
Според него создадена е ситуација после укинувањето на приорите на Фондот, да се донесе одлука за редоследот на исплата, односно дали сега Фондот ќе биде еднаков со останите доверители или ќе биде после нив. Таа одлука треба да ја донесе одборот на доверители и тоа нареднава недела.
-Одборот на доверители е сочинет од пет члена. Гласот вреди еднакво. Еден претставник имаат штедачите и другите се воглано државните институции што имале блокирани средства, додава Кузмановски.
Во меѓувреме од обвинителството нема никаква информација до каде е случајот со Еуростандард, освен дека се работи на случајот, адвокатот на оштетените штедачи на Еуростандард банка.
Целиот разговор погледнете го во видеото: