Претседателот на независната комора на угостители Здравко Јосифовски вели дека без разлика на сите промени очекуваат дека угостителите и понатаму ќе ги задржат постојните цени, но, за жал, како што вели, реалноста е поинаква, бидејќи добавувачите поради зголемените трошоци за производство ги покачиле цените на храна и пијалоци. Од друга страна, според него, ако се споредат трошоците за струја минатата и оваа година, сметките се без малку двојно поголеми.
Многумина од угостителите во своите угостителски објекти користеа алтернативни други добавувачи на електрична енергија во комбинација со ЕВН од кои мораа да се откажат, бидејќи новите сметки почнаа да доаѓаат врз основа на берзанската цена и повторно да се назад на универзалниот добавувач во случајот ЕВН Хоум или ЕВН дистрибуција со што во моментов плаќаат електрична енергија по цена од 11 и пол денари плус ДДВ која што е повторно двојно поголема во однос на истата цена минатите години која што е плаќана за време на овој период.