САД и Тајван постигнаа договор за првиот дел од нивната трговска иницијатива „21 век“, која ги опфаќа царините и олеснувањето на трговијата, регулаторните практики и малите бизниси, објави Канцеларијата на трговскиот претставник на САД.

По потпишувањето на првичниот договор на Трговската иницијатива на САД и Тајван на 21-от век, ќе почнат преговори за други трговски области, вклучително земјоделството, дигиталната трговија, стандардите за труд и животната средина, државните претпријатија и непазарните политики и практики.

Трговската претставничка на САД, Кетрин Таи истакна дека Договорот ги зајакнува односите меѓу САД и Тајван и покажува дека можат да работат заедно за да ги унапредат трговските приоритети за нивните граѓани.

– Со нетрпение очекуваме да ги продолжиме овие преговори и да склучиме робустен трговски договор со високи стандарди што се однесува на економските предизвици на 21 век, посочи Таи.