Со средства од 15.000 денари втора година по ред ќе се поддржат старите занаети во Куманово. Од Занаетчиската комора на чија иницијатива се доделуваат средствата велат-поддршката е значајна за локалната економија, но и за зачувување на традицијата и културата.
Старите занаети од Куманово ќе добијат субвенции од Општина Куманово. Втора година по ред општината ќе одвои по 15.000 денари. Занаетчиите можат да аплицираат на јавниот повик кој веќе е отворен. Од Занаетчиската комора на чија иницијатива е поддршката, велат средствата се значајни за зачувување на занаетите.
„Субвенционирањето на старите занаетчии ја помага локалната економија, но од друга страна е клучно за зачувување на традицијата, културата на живеење на овие простори, промоција на нашето богато културно историско наследство на нашата татковина“, изјави претседателот на ЗКРСМ и на Регионалната занаетчиска Комора, Агрон Фазлији.
Куманово беше прва општина која со директна финансиска помош ги субвенционира старите занаети. Примерот лани го следеа и други градови, вклучително и градот Скопје. Регионалната комора заедно со Фондацијата за развој на мали и средни претпријатија Куманово наредната среда го организира и првиот саем за мало стопанство во Куманово. Малите и средни претпријатија ќе имаат можност да ги изложат производите.