Одлуката беше донесена во интерес на стабилноста и интегритетот на светскиот систем, се вели во пораката
Интернационалниот платен систем СВИФТ го прекина пристапот денес (понеделник) за услугата за некои ирански банки, објавија локалните медиуми.
Мерката е поврзана со одлуката на САД за продолжување на претходно укинатите санкции против Техеран. Забележано е дека минатиот петок, државниот секретар Мајк Помпејо, го повика СВИФТ да ги исклучи иранските финансиски институции сместени на забранената листа на Вашингтон.
Имајќи задачата да ja одржи стабилноста и интегритетот на светскиот финансиски систем, како независен провајдер, SWIFT го запира пристапот на некои ирански банки, соопшти компанијата. Жалиме за оваа мерка, но одлуката е донесена во интерес на стабилноста и интегритетот на светскиот систем, се појаснува во соопштението.
Се дополнува дека SWIFT служи безготовински над 11 000 банкарски организации и клиенти во повеќе од 200 земји.
Во исто време денеска амбасадорот на Иран во ОН Холамали Хошру повика организацијата да побара одговорност од САД за повторното наметнување на санкции, чија цел е да ја задуши иранската нафтена индустрија и индустријата за транспорт.
Овие санкции се спротивни на резолуција на Советот за безбедност на ОН, рече тој во писмо до генералниот секретар Антонио Гутериш, цитирано од Ројтерс.
“Неодговорното однесување на САД бара колективен одговор од меѓународната заедница, за да биде запазен принципот на владеење на правото и за да не биде обессилена дипломатијата и да биде заштитен мултилатерализмот”, пишува уште Хошру, инсистирајќи САД да сносат одговорност за своите постапки.
Од своја страна американскиот советник на претседателот Доналд Трамп за прашањата на националната безбедност Џон Болтон изјави во интервју за Fox News дека администрацијата има подготвеност да води дијалог со Иран, ако земјата се согласи да направи отстапки под влијанието на американските санкции.
Болтон не одговори директно на прашањето дали според него треба да се очекуваат одмазднички мерки од Техеран како одговор на внесените денес од САД санкции.
“Сметам дека на Иранците им претстои да преземат голем број на тешки одлуки. Ако го променат своето однесување, тогаш, како што претседателот Трамп изјави, тој би сакал да разговара со нив за сите аспекти од нивното однесување – поддршката за тероризмот, балистички ракети, борбените дејствија во Јемен, Ирак и Сирија. Ние имаме волја за тоа “, рече Болтон, цитиран од агенциите.