Американскиот претседател Доналд Трамп изјави дека не би се противел кинеските производители на автомобили да отвораат фабрики во САД, и покрај силното противење од американските конгресмени и автомобилски компании.
„Ако Кина сака да дојде и да отвори фабрика за производство на своите автомобили овде, јас би се согласил со тоа“, рече Трамп во интервју за „Фокс њуз“.
Трамп изјави дека не сака кинеските производители на автомобили да произведуваат возила во Мексико и да ги извезуваат во САД.
„Не ги критикувам кинеските автомобили“, рече Трамп.
Американските производители на автомобили побараа од Трамп – кој треба да се сретне со кинескиот претседател Си Џинпинг во Вашингтон за две недели – да не им дозволува на кинеските производители пристап до американскиот пазар.
Американската сенаторка Елиса Слоткин од Мичиген, членка на Демократската партија, во средата изјави дека постојат „гласини оти Трамп планира да дозволи продажба на кинески автомобили во САД како дел од поширок договор што го подготвува“.
Слоткин оцени дека тоа би било стратешка грешка.