Биткоинот продолжи да расте на почетокот на оваа недела, достигнувајќи 19 207 американски долари вчера. Најважната криптовалута се искачи за над 150% оваа година, а ентузијастите за криптовалути го припишуваат овој скок на невидените парични и фискални стимули како одговор на кризата од Ковид-19, како и интересот на големите инвеститори како Пол Тудор Џонс и Стенли Дракенмилер.
Сега се приближува кон последниот врв од 19.783 американски долари од декември 2017 година. Откако го сруши тој рекорд, меурот пукна и биткоинот падна на 3.122 долари следната година.
Но, многу љубители на криптовалути тврдат дека овој пат работите се поинакви. Во индустријата, големите потези како „Фиделити инвестментс“, „Сквер“ и „Пејпал“ се следени со одобрување.
PayPal неодамна започна да им дозволува на своите корисници да тргуваат, чуваат и продаваат виртуелни валути. Гигантот за плаќање треба да дозволи купувања со крипто-сметка на почетокот на следната година.
Биткоинот се искачи на 15.000 УСД на 5 декември за да вреди 18.000 УСД две недели подоцна. Пазарната вредност на биткоинот – пресметана со множење на вкупниот број на биткоини по цената – сега е 355,9 милијарди долари, повеќе од 331,8 милијарди долари колку што вредеше во декември 2017 година, според CoinDesk.
Забрането превземање на содржината без претходно одобрение од редакцијата на БанкоМетар.мк